Baatein..

Well, after a long time, a not so sophisticated poem on "conversations"..:)

Yeh baatein..

Shuru khud hi ho padhti hai..
Khatam zabardasti karna hota hai..
Inhe chalne do toh zindagi nikal jae..
Rok do toh duriyan ho jae..

Baaton ka matlab, sirf kehna toh hota nahi..

sunna samajhna hi toh pura karta hai inhein..

Jo zuban se, nikalte hai shabd, bas unhein hi baatein mat samajhna..
Baatein woh hai, jo aankhon
se b ho jaati hai..

Log kehte hai..
baatein hi toh hai, baaton ka kya?
Wahi log kehte hai,
Man halka hota hai, baatein batane se..

Baaton baaton mein hi dorein  bandh jaati hai..
Baaton se hi toh dararein padh jaati hai..

baaton se hi toh mulaqatein shuru hoti hai,

gafalaton ki wajah b baatein hoti hai..

Kuch acha ho toh kaha jaata hai.."kya baat hai!!"
Naa ho toh kaha jaata hai
"Bhala yeh b koi baat hai?"

Baaton se banti apni ek pehchan hai..

kuch baatein karnewaale hote hai,

kuch ke baare baatein hoti hai..

Kaun kehta hai baaton k liye..kisi ki zarurat hoti hai?
Baatein toh khud k saath b ho jaati hai..Shayad sirf wajah honi chahiye baat karne ki?

Maaf kijiye..
Baatein bewajah b ho hi jaati hai..

Yeh baatein..