Experiencing Life...

A poem on being in tune with the moment. I have used colour as a metaphor of mood in the present moment. It gives a message of letting go yourself. Bass ghul jaa, Rang mein, iss pal ke, rang jaa.. Jab dhup hoti hai, Aasman b peela peela hota hai.. Jab shaam hoti hai, Samandar b neela neela hota hai.. Bass ghul jaa, Rang mein, iss pal, ke rang jaa.. Kabi bundein shikayat karti hai, Ki bahav kahan le jaa rha hai? Shikayat toh khushbuein b nahi karti, ki jhonka kahan jaa rha hai? Bass ghul jaa, Rang mein, is pal ke, rang jaa.. Ban iss pagal khoon sa, Sunta woh kahan kisi ki hai.. Bas ragon mein daudta hai, Bematlab, bewajah hi.. Bass ghul jaa, Rang mein, iss pal ke, rang jaa.. Kuch khidkiyan khol, Mila de mausamon k rang.. Hogi kuch dhul, Par kuch roshniyan b hongi sang.. Bass ghul jaa, Rang mein, iss pal ke, rang jaa.. Jab taal baje toh thirakle, Fir sanyam ki baat na kar.. Jab khwab dikhte hai toh wahi sahi, Tab haqeeqat ki baat...

A very random poem on expressing importance of every entity on this universe. Its a celebration of their existence..:) Aao aaj sabko unke hone ka ehsaas karayen.. Suraj ko aaena dikhayein, Batayen use Kaisi lagti hai roshniyan? Aao aaj sabko unke hone ka ehsaas karayen.. Chand par thodi chandni chidkein.. Dikhlayein Kaisa lagta hai woh asman par chamak ke? Nadiyon ki kuch pyaas bhujayein.. Samjhayen Kaisa lagta hai peekar un se? Aao aaj sabko unke hone ka ehsaas karayen.. Chalo khushboo ko b insan banayen.. Batlayein.. Kaisa lagta hai use mehsus kar ke? Aao aaj sabko unke hone ka ehsaas karayen.. Chalo hawaon ko kuch zinda karein kahein.. Yeh zindagi unke hi dum se hai.. Aao aaj sabko unke hone ka ehsaas karayen.. Yeh ehsaas, ek samman hai, apne astitva ka, apne karma, kartavya ka.. Yeh ehsas, batlata hai ki, iss badi si dunia mein sabka apna hissa hai, sabka apna mahattva hai, sabka apna hi kissa hai.. ...