Skip to main content

Posts

Showing posts from January, 2012

Badlaav..

Badlaav aayega zaroor Par hoga kaisa pata nahi!! naye hal honge, par nayi taklifein bi.. naye uttar honge.. par naye prashna bi.. naye sudhaar honge.. par kuch bigadega bi.. Badlaav aayega zaroor par sab badlega nahi!! taarikhein badlegi par din aur raat nahi.. chehre badlenge.. par ruh nahi.. jeene ka andaaz badlega.. par zindagi nahi.. Badlaav aayega zaroor par kitna hoga pata nahi!! puri zameen badlegi shayad.. ya sirf ek mitti ka kankad.. sirf ek phool khilega shayad.. ya mehkega pura gulzar.. Roshni ki kiran hi hogi shayad ya mitega jahan se andhkaar.. Badlaav hona toh nishchit hai Dekhna toh yeh hai, Hamare badalne se badlaav hoga ya Badlaav humein badal dega!! - Naye saal ki bahut shubkamnayein.. Aapke Jeevan ka 'Badlaav' Sukhmay ho!!